The Praying Tree

-
Nanggagalit na hangin, umuugong na kapaligiran
Halos nais igiba ang mga puno na may katibayan
Ang ilan ay nagsimulang sumuko, ang ilan ay hindi
Patuloy na nakikipaglaban sa unos na matindi

Ang matibay na puno ng sampalok ay humahapay
ngunit kitang -kita na matindi ang kanyang paglaban sa buhay
Ang puno ng mga kawayan ay halos lupa ay halikan
Ngunit tumindig pa rin pagkatapos ng hirap na nagdaan

Ganito ang buhay ng mga tao sa lipunan
Ibat-iba pagdating ng problemang halos di makayanan
May sumusuko hinayaang sanga nila ay maputol
May nananatiling humahawak AMA, dasal ay ginugugol

Sa paglipas ng malakas na unos, wika nga ay mabigat na suliranin
Ang ibang puno ay nagpaalam na waring sa pagod na rin
Ngunit ang iba ay patuloy na nakikipaglaban, sa ano nga bang dahilan?
Maaaring sa sangkalupaan ay may Misyon pa silang isasakatuparan

Paminsan-minsan, wika nga ang BAGYO o unos ay isang aral
Aral na siyang nakakatulong sa atin upang maging matibay at di maging pagal
Sa gayon sa araw-araw nating paglalakbay
May baon tayong lakas mula sa bagyo na sa ating buhay ay nagbigay latay

Mga Komento

Mag-post ng isang Komento

Mga sikat na post sa blog na ito

PARISEYO SA LIPUNAN

-
Imahe
  Sisi roon, sisi rito Naglabasan ang mga pariseyo Gitna ng pandemya hindi solusyon ang hanapin Laging butas at lubak ang sisipatin Edukasyon ay nasadlak sa hirap Tuloy para maabot ang kanilang pangarap Kahit halos walang kabayaran Derecho para sa bokasyon nakagisnan Sisi roon, Sisi rito Naglabasan ang magagaling na Pariseyo Hindi ituon ang mga sarili sa solusyon laging hinahanap ay problemang nais magbaon Matatalinong mga mangmang sa lipunan Hindi naman makitang tumayo at nanguna sa kasagutan Sisi roon sisi rito ang alam Gayong sariling bakuran ay nalalampasan.
Magbasa nang higit pa

KREDIT KARD

-
Imahe
Basahin mo ang mensahe na nais iparating Nang larawang pupukaw sa iyong paningin CRedit card ng mayayaman, dukha ay wala niyan Ngunit ang katotohanan nakatago sa likuran, Bihis na iba-iba, branded pa yan! Di baleng utang basta siya ay hangaan Pose run at rito, para like ay bilangin Kahit nagkakanda kuba na ang provider, ok pa rin. Nais hangaan ng tao, ngunit pinapatay naman inaasahan, Kulay ng buhok, paunat, pakulot, credit card naman ay nariyan, Ngunit patuloy na pinapatay ang mahal sa buhay, Walang pakialam, kahit mamatay sa kakahanapbuhay Relo na di mabilang, pares- pares na alahas, Ngunit wala namang gawa kundi humilata na parang ahas, Credit Card, pakitang tao ang yaman, Ngunit patuloy na pinapatay ang taong "inaasahan" Tsk.tsk. Bangon, kilos, Trabaho ay hanapin ng mata, Bumangon sa nakagisnang luho wag pahirapan ang iba, Kaawa awa ang "provider" na walang tigil sa hanapbuhay Pinapatay mo na araw-araw dahil sa kayabangang taglay
Magbasa nang higit pa