Hungkag na Kaharian

-
Kaharian ang tingin ng iba sa ating kapaligiran
Naghahari-harian dahil sa kanilang kayamanan
Waring tama ang winiwika sa tuwing bubukas ang bibig
Ngunit sablay naman, mababaw pa sa tunog ng kuliglig

Naglalagay ng sariling korona kahit di sabihin
Ang batayan ay nakakaangat sila, yun ang nais wikain
Magandang bahay, abroad, malaking sweldo at karangyaan
Ang ginagawang sukatan, upang mantapak ng karamihan

Ano ang saysay ng pagtulong kung bibig naman ay nakakahiwa
Anong saysay ng pagtulong kung wala namang kapuwa
Anong saysay ng pagtulong kung tuturuan na magsinungaling
Upang pagtakpan ang kasamaan, yun ang tanging hiling

Tulad ng nasa larawan, malaking palasyo ang naitayo
may suot na korona, ngunit hungkag ang katauhan at puso
Plastic na matatawag, pulos pagpapaimbabaw
Upang purihin at tingalain lang sila kada araw

O ang lipunan nga naman, bakit ganoon ang batayan
Kapag wala kang salapi, turing ay isang basurahan
Kung ipinanganak na di gaanong mapalad sa katalinuhan
Kaawa-awang iisantabi, ng Higanteng mayayaman

Kaya laging tatandaan, mga abang nilikha
Karangyaan at magarang damit ay balewala
Kung ang tanging motibo sa balana ay ipagmayabang
Ang buhay mo ay totoong nasasayang lang!!


Mga Komento

Mag-post ng isang Komento

Mga sikat na post sa blog na ito

PARISEYO SA LIPUNAN

-
Imahe
  Sisi roon, sisi rito Naglabasan ang mga pariseyo Gitna ng pandemya hindi solusyon ang hanapin Laging butas at lubak ang sisipatin Edukasyon ay nasadlak sa hirap Tuloy para maabot ang kanilang pangarap Kahit halos walang kabayaran Derecho para sa bokasyon nakagisnan Sisi roon, Sisi rito Naglabasan ang magagaling na Pariseyo Hindi ituon ang mga sarili sa solusyon laging hinahanap ay problemang nais magbaon Matatalinong mga mangmang sa lipunan Hindi naman makitang tumayo at nanguna sa kasagutan Sisi roon sisi rito ang alam Gayong sariling bakuran ay nalalampasan.
Magbasa nang higit pa

KREDIT KARD

-
Imahe
Basahin mo ang mensahe na nais iparating Nang larawang pupukaw sa iyong paningin CRedit card ng mayayaman, dukha ay wala niyan Ngunit ang katotohanan nakatago sa likuran, Bihis na iba-iba, branded pa yan! Di baleng utang basta siya ay hangaan Pose run at rito, para like ay bilangin Kahit nagkakanda kuba na ang provider, ok pa rin. Nais hangaan ng tao, ngunit pinapatay naman inaasahan, Kulay ng buhok, paunat, pakulot, credit card naman ay nariyan, Ngunit patuloy na pinapatay ang mahal sa buhay, Walang pakialam, kahit mamatay sa kakahanapbuhay Relo na di mabilang, pares- pares na alahas, Ngunit wala namang gawa kundi humilata na parang ahas, Credit Card, pakitang tao ang yaman, Ngunit patuloy na pinapatay ang taong "inaasahan" Tsk.tsk. Bangon, kilos, Trabaho ay hanapin ng mata, Bumangon sa nakagisnang luho wag pahirapan ang iba, Kaawa awa ang "provider" na walang tigil sa hanapbuhay Pinapatay mo na araw-araw dahil sa kayabangang taglay
Magbasa nang higit pa