Agila at pangarap

-
Abutin ang pangarap tulad ng Agila sa himpapawid
Nangangarap na lumipad ng mataas, nais tumawid
Tumawid sa madilim na ulap na kanyang nais lampasan
Ginagawang lakas upang ikampay ang pakpak ng buong kalakasan

May malinaw na paningin sa nais abutin
Kahit na kay layo pa ng nais dagitin
Naka focus ang isip sa pangarap na nais marating
hindi titigilan hanggang di naabot, walang maaring sumaling

Mataas lumipad ngunit di nalilimutang bumalik
Sa iniwang inakay upang akapin at tuka ay ihalik
Ito ang icon na dapat pamarisan ng karamihan
Kahit saan makarating, nararapat na paglingon ay di malimutan

Alalahanin ang paglipad ng agila kahit anong taas din
Naroon ag pagbalik sa mga taong sa atin ay tumulong ng buo sa damdamin
Masarap lumipad ng mataas ngunit dapat na isip ay paganahin
Na hindi lamang kayamanan ang laging nais abutin

Kung sa ating paglipad, isip ay nabulag sa dilim
Laging alalahanin, success ay di sa pera lang ang diin
Ito ay ang kasamang kasiyahan at pagtulong ang isa sa mga salik
Life is an exchange, tulad ng agilang sa pugad ng anak, bumabalik

Mga Komento

Mag-post ng isang Komento

Mga sikat na post sa blog na ito

PARISEYO SA LIPUNAN

-
Imahe
  Sisi roon, sisi rito Naglabasan ang mga pariseyo Gitna ng pandemya hindi solusyon ang hanapin Laging butas at lubak ang sisipatin Edukasyon ay nasadlak sa hirap Tuloy para maabot ang kanilang pangarap Kahit halos walang kabayaran Derecho para sa bokasyon nakagisnan Sisi roon, Sisi rito Naglabasan ang magagaling na Pariseyo Hindi ituon ang mga sarili sa solusyon laging hinahanap ay problemang nais magbaon Matatalinong mga mangmang sa lipunan Hindi naman makitang tumayo at nanguna sa kasagutan Sisi roon sisi rito ang alam Gayong sariling bakuran ay nalalampasan.
Magbasa nang higit pa

KREDIT KARD

-
Imahe
Basahin mo ang mensahe na nais iparating Nang larawang pupukaw sa iyong paningin CRedit card ng mayayaman, dukha ay wala niyan Ngunit ang katotohanan nakatago sa likuran, Bihis na iba-iba, branded pa yan! Di baleng utang basta siya ay hangaan Pose run at rito, para like ay bilangin Kahit nagkakanda kuba na ang provider, ok pa rin. Nais hangaan ng tao, ngunit pinapatay naman inaasahan, Kulay ng buhok, paunat, pakulot, credit card naman ay nariyan, Ngunit patuloy na pinapatay ang mahal sa buhay, Walang pakialam, kahit mamatay sa kakahanapbuhay Relo na di mabilang, pares- pares na alahas, Ngunit wala namang gawa kundi humilata na parang ahas, Credit Card, pakitang tao ang yaman, Ngunit patuloy na pinapatay ang taong "inaasahan" Tsk.tsk. Bangon, kilos, Trabaho ay hanapin ng mata, Bumangon sa nakagisnang luho wag pahirapan ang iba, Kaawa awa ang "provider" na walang tigil sa hanapbuhay Pinapatay mo na araw-araw dahil sa kayabangang taglay
Magbasa nang higit pa