Salamin....

-
Isang buong maghapon na naman ang lumipas
Salamin salamin sa dingding, sino ang may pusong wagas
Sila bang may salapi at kapangyarihan lang
O kahit sino, kahit sinong sa lupa ay naninirahan

Salamin salamin sa dingding, sino ang mga nagsisinungaling
Sila bang magdarasal na sa belo ay nakatago at ayaw masaling
Sila bang laging nagdarasal ngunit dumi naman ay nakatago
O ang mga taong kahit di nagsasalita, gawa ay kita sa puso

Salamin salamin sa dingding, nawa ay magising sa ingay ng batingting
Kalembang ng kampana, gisingin ang diwang sa pera ay lasing
Payak na pagkatao, natakluban ng kamanyang
Kaya ang dating payak, ngayon ay sobrang yabang

Salamin salamin sa dingding, nawa ay iyong kausapin
Ang puso ng ibang nabalot ng panimdim
Niyuyurakan ang mga kaluluwang muwang ay wala naman
Dahil lang sa nakikipayong sa gintong maitim ang kalooban

Ang tao nga naman kapag bibig ay nabusalan
Nagtatahimik lalo at pera ay kailangan
Pilit na nagbubulagbulagan sa katotohanan
O salamin nawa ay ipakita sa puso nila ang kaliwanagan


Mga Komento

Mag-post ng isang Komento

Mga sikat na post sa blog na ito

PESTENG LAMOK

-
Imahe
Lamok tusok ka ng tusok Dugo ng kapuwa mo kinukuha ng iyong turok Parasite na hayop, nabubuhay dahil sa kapuwa Pagkatapos, iba pa ang masama Halos ibigay ng libre ang dugo na kailangan Tuwang-tuwa dahil libreng libre nga naman Ngunit kapag wala nang makuha Paninira ay bubulwak sa bibig na walang kwenta Halos napagaling, inalaagaan ng buong buhay Hindi man lang marunong tingnan ang kabutihang naibigay Nakukuha pang lumipad at ipamalita sa balana Na ang bumuo sa kanilang katauhan ay wala raw kwenta O lamok, tusok ka nang tusok kahit saan Matuto kang itikom ang bibig bilang paggalang Alalahanin  mo na ang bumubuhay na dugo mo sa iyong katawan Galing sa mga walang” kwenta” sabi mo nga…na iyong pinaggalingan.
Magbasa nang higit pa

Sa ITAAS AT IBABA NG KUBYERTA

-
Imahe
    Itaas at ibaba. Mayaman at mahirap. Boss at alipin. Magaling at bobo. Ano pa? Ang mga pang-uri na kalimitan ay magkatunggali, magkasalungat, magka- iba ng ibig sabihin. Ang Una at ikalawang kabanata sa EL FILIBUSTERISMO ni Dr. Jose Rizal ay naglalarawan ng isang napakalinaw na pagkakahati sa lipunan. Narito ang ilan : 1. BAPOR TABO - Isang sasakyang pandagat na naglalarawan ng ating pamahalaan.  Ang bilog na hugis nito ay nagpapahayag nang walang kasiguraduhang lakad ng ating pamahaaan sa pamamahala ng mga dayuhan. Ang pakulapol ( the paint was only splashed) na pintura nito ay isang pagtatakip sa tunay na anyo ng ating bulok na gobyerno. Sapagkat kapag ang isang bagay na may kalawang kahit pintahan ito ay kakalawangin pa rin. Hanggat nasa gobyerno ang mga taong walang pagmamahal sa sariling bayan, mananatili tayong isang kalawanging bansa. 2. TAAS NG KUBYERTA sa itaas ng ng deck o kubyerta, naroon ang mga mayayamang nagpapagalingan ng kanilang kakayahan. Napapabilang dito an
Magbasa nang higit pa

Real Happiness

-
Imahe
"The happiest people aren't necessarily the ones with the most good fortune or wealth, they are the ones who share whatever they have to others" Patuloy na pagbabahagi ay gagampanan Kahit pa pagdating ng araw ikaw ay kalimutan Katungkulan sa ating kapuwa sa kapaligiran Patuloy na hahàwakan anuman ang hadlang Parang piso na naibahagi mula sa puso Hindi kailangang sukatin ng mayamang tuso Kaalamang sa atin na  naipahiram Paalala, ang ibahagi ito ay ating katungkulan Kahit pakikinig ay sapat na Sapat upang pagtulong ay ialay sa kapuwa Parang ating musika na umaawit Kailangang sa ating kapuwa ay masambit Gasino na ang ating alayan Ng kakaunting halaga sa blessing na natanggap naman Ibahagi kahit ang oras kaysa masayang At least ang buhay natin ay nagkaroon ng kasaysayan
Magbasa nang higit pa