Ang Piyesa ng Buhay

Ang buhay ay parang isang malaking tugtugan

Minsan sa pagharap sa pyesa ikaw ay natitigilan

Natitigilan sa dami ng bilin na nakalagay

"Sharps and Flats", matitinding suliranin sa buhay

Sa bawat measure na iyong susuungin

Kailangang maingat na ito ay hatiin

May mga pangyayari sa buhay na sa iyo ay bibigla

Accidentals at pangyayari na dimo inaakala

Sa iyong paglakad habang nagbabasa ng tutugtugin

May malulungkot na parte minsan ang sasagi sa damdamin

Minsan ay may staccato na kailangang pagaanin

Upang maging masaya naman ang buhay natin

Sa paglalakbay sa buhay biglaang tempo ay masasalubong

Gugulatin ka kapagdaka ay mawawala ang hugong

Karamihan minsan ikaw ay magkakamali

Ngunit gaya ng buhay ito ay dapat ituloy hanggang sa huli

Sa pagkakamali sa notang nagbigay atensyon

Maari namang iwanan ngunit ito ay magsisilbing leksyon

Upang sa patuloy na paglalakbay sa pyesang nasa harapan

Maiwasan at maitama ang dating kamalian

Pagdating sa Koro minsan ay may makikita

Na hindi inaasahan sa buhay ay magpapasaya

Alegro, ibang artikulasyon at nangingitim na sulat

Anumpaman ito , susuungin, pag tanggi ay salat

Ang buhay ay puno ng ibat-ibang kulay

Crescendo, decrescendo ay isasabuhay

Minsan dumarating ang pagsukong tunay

Kapag halos hindi na makayanan ang hirap ng buhay

Ngunit ang pinasok ay ipinangakong tatapusin

Tatapusin ang pyesa na inako ng bukal sa damdamin

Itutuloy kahit anong hirap, ikaw man ay piitin

Iisa ang mithiin ang double bar at katapusan ay marating

Marating ng buong giting ang pyesang hinarap

Tapusin ng taas noo ang buhay na pinangarap

Pinangarap na tugtugin anupaman ang harapin

Upang bago itiklop ang pyesa,  Misyon ay na accomplished rin