Sa ITAAS AT IBABA NG KUBYERTA

    Itaas at ibaba. Mayaman at mahirap. Boss at alipin. Magaling at bobo. Ano pa? Ang mga pang-uri na kalimitan ay magkatunggali, magkasalungat, magka- iba ng ibig sabihin. Ang Una at ikalawang kabanata sa EL FILIBUSTERISMO ni Dr. Jose Rizal ay naglalarawan ng isang napakalinaw na pagkakahati sa lipunan. Narito ang ilan :

1. BAPOR TABO - Isang sasakyang pandagat na naglalarawan ng ating pamahalaan.  Ang bilog na hugis nito ay nagpapahayag nang walang kasiguraduhang lakad ng ating pamahaaan sa pamamahala ng mga dayuhan. Ang pakulapol ( the paint was only splashed) na pintura nito ay isang pagtatakip sa tunay na anyo ng ating bulok na gobyerno. Sapagkat kapag ang isang bagay na may kalawang kahit pintahan ito ay kakalawangin pa rin. Hanggat nasa gobyerno ang mga taong walang pagmamahal sa sariling bayan, mananatili tayong isang kalawanging bansa.

2. TAAS NG KUBYERTA sa itaas ng ng deck o kubyerta, naroon ang mga mayayamang nagpapagalingan ng kanilang kakayahan. Napapabilang dito ang mga kastila, mga prayle at ang mga taong may sinabi sa lipunan. Naroon ang nagtatalong simbahan at pamahalaan, sapagkat noong panahon na iyon ay hindi hiwalay ang kapangyarihan ng simbahan at pamahalaan.

3. IBABA NG KUBYERTA - sa ibaba ng kubyerta naroon ang mga pilipino na nagsisiksikan. Ang mga pilipinog tunay na nagmamay-ari ng lupa. Pilipinong sa tingin ng mga Imperyalistang banyaga ay mahihina, mangmang at walang alam. Ngunit doon din makikita ang dalawang matapang na kabataan na may pangarap, sila ay sina Basilio at Isagani. May pangarap na ipagtanggol ang ating bansa laban sa kaaway. Nakakalungkot lamang isipin na mula sa ating bagong henerasyon ay walang makitang tulad ni BASILIO at ISAGANI. Karamihan sa ating mga kabataan ay nilamon na nang makabagong panahon, ang maging sakim, maging self-centered at ang pagkawala ng pag-ibig sa bayan.


   Isang napakaliwanag na pagtutulad ang bapor TABO sa takbo ng ating pamahalaan, Ang pamahalaang hindi makausad dahil pinapatakbo ng mga walang malasakit na nasa tikin. Walang pag-usad dahil ipinapakita sa lahat ang pagkakahati sa lipunan, ang paglalagay ng hati ng mahihirap at mayayaman, ang magagaling at hindi, ang mga ipinanganak sa kapangyarihan at sa pagiging alipin.


 Wika nga ng isang quote " IN HEAVEN THERE IS NO DISTINCTION BETWEEN EAST AND WEST" .....Sa mata ng MAYKAPAl ang lahat ay pantay-pantay, ....walang mayaman o mahirap,,,

BAPOR TABO

,