Tuldok

-
Napapanahon ang paglipad
Upang ang malawak na lupa ay tumambad
Makapal at manipis na ulap ay susuungin
Parang agila na pilit na langit ay liliparin

Mula sa taas doon makikita ang katotohanan
Na ang problema sa lupa ay may kaliitan
Maliit ga tuldok ngunit kay hirap buhatin
Nararapat lamang na ito ay ating damhin

Malawak na lupa, malawak na kalangitan
Malawak na karagatang halos mundo ay higitan
Ganito kalawak ang kamay na sa atin ay aakap
Sa napakabigat na gatuldok na lagi nating buhat

Ito ay isang aral na sa aking nabasa kamakailan
nararapat na mula sa mata ng AGILA ay sundan
Lumipad ng kaytaas , above the storm ay kumampay
Pawiin ang suliraning sa ating kaluluwa ay nais lumatay

Ga-langgam, sing liit ng alikabok ang mga salita
Na lalatay sa ating ngalang SIYA ang may likha
Lahat ay napapanunghan ng matang may AWA
Mula sa itaas, iaabot ang KANYANG pagpapala



Mga Komento

Mag-post ng isang Komento

Mga sikat na post sa blog na ito

PARISEYO SA LIPUNAN

-
Imahe
  Sisi roon, sisi rito Naglabasan ang mga pariseyo Gitna ng pandemya hindi solusyon ang hanapin Laging butas at lubak ang sisipatin Edukasyon ay nasadlak sa hirap Tuloy para maabot ang kanilang pangarap Kahit halos walang kabayaran Derecho para sa bokasyon nakagisnan Sisi roon, Sisi rito Naglabasan ang magagaling na Pariseyo Hindi ituon ang mga sarili sa solusyon laging hinahanap ay problemang nais magbaon Matatalinong mga mangmang sa lipunan Hindi naman makitang tumayo at nanguna sa kasagutan Sisi roon sisi rito ang alam Gayong sariling bakuran ay nalalampasan.
Magbasa nang higit pa

KREDIT KARD

-
Imahe
Basahin mo ang mensahe na nais iparating Nang larawang pupukaw sa iyong paningin CRedit card ng mayayaman, dukha ay wala niyan Ngunit ang katotohanan nakatago sa likuran, Bihis na iba-iba, branded pa yan! Di baleng utang basta siya ay hangaan Pose run at rito, para like ay bilangin Kahit nagkakanda kuba na ang provider, ok pa rin. Nais hangaan ng tao, ngunit pinapatay naman inaasahan, Kulay ng buhok, paunat, pakulot, credit card naman ay nariyan, Ngunit patuloy na pinapatay ang mahal sa buhay, Walang pakialam, kahit mamatay sa kakahanapbuhay Relo na di mabilang, pares- pares na alahas, Ngunit wala namang gawa kundi humilata na parang ahas, Credit Card, pakitang tao ang yaman, Ngunit patuloy na pinapatay ang taong "inaasahan" Tsk.tsk. Bangon, kilos, Trabaho ay hanapin ng mata, Bumangon sa nakagisnang luho wag pahirapan ang iba, Kaawa awa ang "provider" na walang tigil sa hanapbuhay Pinapatay mo na araw-araw dahil sa kayabangang taglay
Magbasa nang higit pa